في لحظة ما تنوصف بسهولة… تولد هني، بين البحر وهواه..
تحس فيها يوم تبتعد عنك أرصفة المرسى شوي شوي.
تسمعها في صوت سترة النجاة وهي تتسكر.
هي ذاك النفس اللي تاخذه قبل ما تلامس الماي.
وبعدها… سكون ما يشبه أي سكون.
كل اللي سويته قبل كان تجهيز: الرخصة جاهزة، والفحوصات مكتملة، والنشرة الجوية قريتها مرة واثنتين.
وبعدها؟ بعدها البحر لك.
نحن نشتغل كل يوم عشان هاللحظة.. عشان نجهز المراسي، ونطور مواقع إنزال القوارب، ونفتح الممرات المائية، ونخلي البحر أكثر أمان وجاهزية للجميع.. عشان تعيش هالتجربة اليوم وباجر وكل يوم.
والحين أنت هني… الهوا مناسب، والبحر صافي، والوجهة جدامك.