• القطاع الرقمي
  • المدن الاقتصادية والمناطق الحرة
  • القطاع اللوجستي
  • القطاع البحري والشحن
  • قطاع الموانئ
إغلاق ✕

الحين وقته

أبوظبي من البحر غير



الحين وقته

في لحظة ما تنوصف بسهولة… تولد هني، بين البحر وهواه.. تحس فيها يوم تبتعد عنك أرصفة المرسى شوي شوي. تسمعها في صوت سترة النجاة وهي تتسكر. هي ذاك النفس اللي تاخذه قبل ما تلامس الماي. وبعدها… سكون ما يشبه أي سكون. كل اللي سويته قبل كان تجهيز: الرخصة جاهزة، والفحوصات مكتملة، والنشرة الجوية قريتها مرة واثنتين. وبعدها؟ بعدها البحر لك. نحن نشتغل كل يوم عشان هاللحظة.. عشان نجهز المراسي، ونطور مواقع إنزال القوارب، ونفتح الممرات المائية، ونخلي البحر أكثر أمان وجاهزية للجميع.. عشان تعيش هالتجربة اليوم وباجر وكل يوم. والحين أنت هني… الهوا مناسب، والبحر صافي، والوجهة جدامك.

SKYLINE

الحين وقته

أبوظبي من البحر غير

من هني، شكل المدينة يختلف تماماً. الكورنيش يمتد على طول الساحل، والأبراج تلمع تحت الشمس، وكل الأماكن اللي تعرفها تكتمل في مشهد واحد. هذي هي أبوظبي.. اللي يربط بحرها جزرنا وفرجاننا وواجهاتنا البحرية.. وحتى الأماكن اللي حافظها غيب، فيها جانب ثاني يترياك تكتشفه.
water taxi website

الحين وقته

خلّ الزحمة وراك وخذ طريق البحر

أوقات الزحمة، تكون في البحر غير، كله هدوء ووناسة في الوقت اللي الشوارع واقفة، التاكسي المائي والعبّارات يخلّون تنقلك في أبوظبي أسهل. خطط لرحلتك، واختار الطريق اللي يريح بالك.
boat-launch-01 (1)

الحين وقته

الويكند يبدا من البحر

جهّز قاربك أو الجت سكي، نزّله في الماي، وتوكّل. من خلال مواقع منازيل القوارب العامة المنتشرة في كل مكان في إمارة أبوظبي، صار تنزيل قاربك أو دراجتك المائية أسهل شي في يومك. احجز أونلاين وانطلق للبحر بأسرع وقت.
Kayak

الحين وقته

في 3 ثواني بس من الموج للسما

شعور الطيران بالشراع غير، في لحظة تكون مع الماي.. وفي اللحظة اللي عقبها تحلق في السما! مساحات وواجهات بحرية متوفر لهواة البحر تعطي الشغف والمغامرة حقها وزيادة. جهز نفسك، وعيش الحماس.. النسمة الياية تترياك.
قارب صيد

الحين وقته

تصريحك جاهز والويكند يحلى

ما شي أحلى من قعدة البحر، ونحن نأكد هذا الكلام. عشان جي سهلنا عليك استخراج الرخص والتصاريح من بوابتنا الرقمية. خلص أمورك في دقايق، واستمتع بيومك في الماي.